Tât aƀaơ, ta lam ntur neh lĕ geh 301 nkuăl ƀon têh lăp kan ta ntŭk kan nkuăl ƀon têh mĭn kan mhe bâh UNESCO. tâm nĕ, Hà Nội lah nkuăl ƀon têh bôk năp bâh Việt Nam lăp kan ta năm 2019.

N’hanh Đà lạt ndrel đah 8 nkuăl ƀon têh êng tâm dak lĕ tât râng nău kan hun hao bôk nău kan. Tĭng nău nchrăp kan aơ, trong kan mĭn uănh, uănh năl nău dơi, nău geh n’hanh nău ngăn tâm ban kơt nkô̆ mpŏng nău kan bâh Đà Lạt lĕ kơl lah na nê̆ nău dơi bâh nău kan rdâk njêng săm ƀŭt rhŏ mbơh dăn lăp kan đah nău kan lah nkuăl ƀon têh mĭn kan mhe ta trong kan njroh mprơ. Rơh tâm nchră lĕ geh âk mông nar tâm nchră, ƀư kloh na nê̆ nkô̆ mpŏng, nău khlăy, nău kan n’hanh ăp nău way, mbơh tơih du đê̆ nău tă gĭt blău kan lam ntur neh tâm nău rdâk njêng săm ƀŭt rhŏ.