Dơi rgŏ jă tâm rnôk lễ hội cà phê Buôn Ma Thuột rơh tal 8, năm 2023 mhe ƀư, knŭng jêh 7 nar, rơh tâm rlong lĕ wăch rgum 65 nuĭh ta ăp n’gor Dak Lak, Dak Nông, Gia Lai, Đà Nẵng n’hanh nkual ƀon têh Hồ Chí Minh râng đah rlău 600 tác phẩm rup du păng n’hanh rup kôp.

Tác phẩm dơi chŭp đah măy rup way dŏng n’hanh điện thoại thông minh, nchih tay tâm rnôk ƀư, lah ăp nău ƀư tâm rnôk lễ hội. Mpôl rdâk ƀư lĕ săch 47 tác phẩm lăp rwăch mpla nsơ n’hanh 20 tác phẩm uĕh ngăn tâm rnoh aơ gay an ndơ nkhôm, geh 1 giải A, 1 giải B, 2 giải C n’hanh 16 giải khuyến khích. Jêh an ndơ nkhôm, 47 tác phẩm uĕh ngăn dơi mpla nsơ ta trong ndrôm sam ƀŭt cà phê Buôn Ma Thuột bah aƀaơ tât lĕ nar 22/4 tât.