Đah nkô̆ nau “Buôn Ma Thuột-Ntŭk rgum bah 3 nau kan ueh ơm cà phê lam ntur neh” bôk nau kan Lễ hội trong nkuăl ƀon têh tâm rnôk ƀư Lễ hội Cà phê Buôn Ma Thuột tal 8 năm 2023 geh tâm kêng măng 10/3, ta ngã 6 Buôn Ma Thuột, hŏ leo tât ân ƀon lan ndrel bu năch nau ueh.

Bôk nau kan lễ hội trong nkuăl ƀon têh geh 3 gưl: Nau ntơm ƀư, ntơm hăn trong ndrel tâm n’ur. Bah ăp nau kan, rmôt kan hŏ leo nŭih uănh ăp nau ueh ơm, nau ueh khlay bah nkual neh, kon nŭih Tây Nguyên lah nsum, Dak Lak lah êng, ryơk grăp cà phê, nŭih tăm, ê nkra ndrel tăch cà phê.

Wa Võ Văn Cảnh, Groi Kruanh UBND n’gor Dak Lak lah rjăp: Lễ hội trong nkuăl ƀon têh geh ƀư đah nau ŭch leo tât nau ueh, nau ngăn mpeh nau ơm bah nkuăl neh, kon nŭih Tây Nguyên lah nsum ndrel Dak Lak lah êng, mpeh du Dak Lak ueh, tâm dăch dơh ndrel rŏng năch, gay ryơk ăp rnoh khlay bah cà phê, nŭih tăm, ê nkra ndrel tăch rgâl cà phê./.