Lễ hội geh ƀư đah âk nău kan văn hóa, nghệ thuật ntoh lư, nău pâl rlưn way ơm an ƀon lan n’hanh năch. Aơ lah nău kan geh ƀư ăp năm gay ma mât rbăy n’hanh n’hao nău ueh êng bâh ăp mpôl rnoi nkual Việt Bắc gŭ rêh ta Tây Nguyên.

Bâh năm 2010, lễ hội văn hóa dân gian Việt Bắc geh ƀư ăp năm ta rơh mbŏng khay ngoăy đah âk nău pâl rlưn kơt: kuăl brah neh bri, n’hanh nău way kuăl brah săk lăy play mbôn đah ndơ tuch tăm, tâm rlong ƀư ntŭk gŭ rlu, tâm rlong ƀư banh chưng, banh giày, m’êt prung, gŭch sŭr-n’gon ndrănh. Tâm rlong đah ăp nău pâl rlưn way ơm kơt lah: têk rse, ntrôl mâng, nchoăt, hăn lơng djơng, tlư còn, geh âk nuĭh tât râng.