Ôi (17/2), Ban tổ chức Lễ hội cà phê Buôn Ma Thuột tâl 8, năm 2023 ƀư n'glôch jêh n'hanh nkhôm rnê rơh tâm rlong video clip nkoch mbơh mpeh cà phê Buôn Ma Thuột. Rgŏ jă ntơm bah khay 9 năm e nơh,  rơh tâm rlong video clip đah nkô̆ "Nkoch mpeh cà phê Buôn Ma Thuột" lah ngoăy tâm ăp nău kan bah Lễ hội cà phê Buôn Ma Thuột tâl 8, năm 2023.

Lor bôk năp dơi ƀư, rơh tâm rlong wăch rgum 21 nău nchih rhôp bah 19 nuĭh tơm ƀư n'hanh rmôt nuĭh tơm ƀư tâm n'hanh bah dih n'gor Dak Lak râng. Tĭng ŭanh năl bah ban tổ chức, ăp nău nchih rhôp râng tâm rlong geh âk ntil trong rdâk ƀư, sơch nău nkoch, rnôk ƀư, ndơ nkoch ntĭt êng Tây Nguyên. Ban tổ chức hŏ sơch n'hanh nkhôm rnê an 7 nău nchih rhôp dŭt ŭeh blău, lah 1 giải nhất, 1 giải nhì, 1 giải ba, 3 giải khuyến khích n'hanh 1 giải tă bah nuĭh djăt ŭanh sơch.