Măng 28/7, ta ntŭk kan Văn hoá n’gor Dak Lak hŏ geh bôk nau kan mbơh nkoch ăp nau nchih, nau mprơ bah du đê̆ nŭih nhạc sĩ dôl rêh ndrel pah kan tâm lam n’gor. Tâm nau ƀư ueh rjăp, ntoh măt ndrel năch tât uănh hŏ djăt geh 12 nau nchih mprơ geh tât âk ntil êng êng. Tâm rnoh aơ, geh âk nau mprơ rnê tât nau rŏng đah gôl dak, dak lêng, nau tâm boh tahen kơt: Gửi anh nơi hải đảo biên cương, Bạn giờ ở Gạc Ma, Âm vang mãi Truông Bồn, Cho con khóc được không, Nỗi nhớ trong mưa.

Du đê̆ nau mprơ ntoh nau ŭch rŏng đah ƀon tơm, neh dak ndrel nau ueh bah nkuăl neh ntŭk nŭih nchih njêng nau mprơ rêh, pah kan kơt: Ô! Càphê Ban Mê Thuột, Chiếc gùi của em, Ơi chiều Krông Bông, Khoảnh khắc Drei Nao. Aơ lah ăp nau mprơ geh ndrĭng mhe bah 2 nhạc sĩ Châu Phan ndrel Dương Tấn Bình. Tâm bôk nau ƀư aơ, ăp nŭih kŏ tâm nkoch bri, tâm n’ur, tâm nkoch đah aka nŭih năch tât uănh mpeh nau nchih bah ăp nau mprơ aơ ntơm njêng geh./.