Ntơm lơ 10/2, nau kan ân ncho rveh tâm Ntŭk pâl n’aih Cầu treo Buôn Đôn hŏ nsrŭng. Ndrel ma nê, tâm rnôk ƀư Lễ hội cà phê Buôn Ma Thuột tal 8 tât aơ tă, ăp nau ân rveh tâm rlong re dak, rlong nchuăt, rlong chưng play kŏ mô geh ƀư. Tĭng nau mbơh bah Ntŭk kan pâl n’aih ndrel Khách sạn biện điện (Nkuăl ƀon têh Buôn Ma Thuột, Dak Lak), ntơm 10/2, rmôt kan tơm bah nau kan ncho rveh tâm ntŭk pâl n’aih Cầu treo Buôn Đôn tâm Xã Krông Na, nkuăl Buôn Đôn rgâl ma nau pâl n’aih êng, geh nsum ma nau ơm ndrel nau pâl n’aih tâm dăch dơh êng kơt lah ân rveh pâl êng, pâl nsum ma năch.

Nau ntrŭnh ƀư aơ gay kơt tĭng nau ntrŭnh bah n’gor Dak Lak mpeh nau ân nsrŭng ncho rveh rdeng năch ƀư nau kan pâl n’aih gay ma mât phung rveh bah n’gor, ntrơn ƀư nau kan pâl n’aih tâm dăch ma rveh. Kŏ geh tât nau kan aơ, tâm bôk nau kan Hội rveh Buôn Đôn-ngoai tâm ăp nau kan tơm bah Lễ hội cà phê Buôn Ma Thuột tal 8 năm 2023 geh ƀư tâm khay 3 tât ta Dak Lak, mra mô geh nau kan kơt: rveh rlong nchuăt, rlong chưng play, mô tâm rlong tâm têk ma nŭih. Ndơn ma nê geh du đê̆ nau kan êng kơt lah: Ôp brah rveh, ân rveh sa, rlong ƀư ueh ân rveh, rlong ân rveh mbah nŭih uănh, ân rveh nklih rup ma năch./.