Ôi lơ 12/3 ta nkuăl têh Liên Sơn, nkuăl Lăk, n’gor Dak Lak geh ƀư rơh tâm rlong vah duk lôk bâh tơm si ta dak n’glău Lăk tal 3, năm 2023. Aơ lah ngoăy tâm 18 nău kan geh ƀư ta rơh lễ hội cà phê Buôn Ma Thuột tal 8, năm 2023 dôl geh ƀư ta Dak Lak. Rơh tâm rlong vah duk rơh aơ geh tât 5 ntŭk kan tât râng đah 86 nuĭh tâm rlong tât bâh ăp xã, nkuăl têh n’hanh nkual pâl nđaih tâm nkuăl Lăk. Ăp nuĭh tâm rlong tât bâh ăp xã, nkuăl têh n’hanh nkual pâl nđaih tâm nkuăl Lăk. Ăp nuĭh tâm rlong ta 3 nkô̆ nău tâm rlong geh: tâm rlong vah duk lôk bâh tơm si 4 nuĭh tâm rlong, tâm rlong vah duk 3 nuĭh tâm rlong n’hanh tâm rlong vah duk geh 2 hê tâm rlong. Ăp rơh tâm rlong jong 300m. Lôch rơh tâm rlong, rnâng kan leo kan lĕ geh pă 3 giải ngoăy, 3 giải 2, 3 giải pe n’hanh 6 giải khuyến khích ta ăp nkô̆ nău, ntŭk kan ta nkuăl têh Liên Sơn geh giải 1 lĕ mpôl. Tĭng rnâng kan leo ƀư, rơh tâm rlong duk rơh aơ geh uănh năl lah njoat rgâl mhe tâm nău kan mât n’hao ăp nău khlăy văn hóa way ơm n’hanh jŏ jong, ueh reh bâh ăp mpôl rnoi ta ntŭk, ndơ̆ ăp nău khlăy mpeh văn hóa plơ̆ tay nău rêh kơl an nuĭh ƀon lan n’hanh vơt năch pâl nđaih. Ndrel đah rơh tâm rlong vah duk, ăp nar ba năp ta nkuăl Lăk lĕ geh âk nău kan geh nău ueh êng bâh mpôl rnoi kơt lah: kuăl brah ndrâm dak, kuăl brah vơt bôk n’hao săk rveh, njŭr duk ta dak, tâm nđur chĭng gong, tâm rlong hội trại n’hanh pla n’hơ âk ntil ndơ way ơm..

Ta Ntŭk lễ hội Bản Đôn, xă Krông Na, nkuăl Buôn Đôn (Dak Lak), ƀư rgum rveh Buôn Đôn. Nău uĕh aơ lĕ wăch rgum hang rbăn nuĭh ƀon lan ta ntŭk ndrel năch tâm n’hanh bah dih dak tât râng. Râng rgum rveh Buôn Đôn năm aơ geh 7 bôk rveh bah ăp nuĭh tơm rveh tât ăp ntŭk tăch rgâl, rnăk wâl ta ntŭk lam nkuăl Buôn Đôn. Êng đah ăp rơh lễ hội bah năp, Rgum rvêh Buôn Đôn năm aơ mô geh ăp nău ƀư kơt: Rveh choăt, ncho rveh hăn dak Me Srêpốk; ndơn ma nĕ ăp trong ƀư pâl nđaih dăch uĕh đah rveh dôl dơi ăp công ty pâl nđaih ta nkual kâng n’har kơt tĭng: Tâm rlong kho ao rvê, Rveh râng mâp năch geh nău ƀư uĕh ngăn, rveh sa buffet, chup rup đah năch. Lôch tâm rlong, rveh Khăm Sing bah nuĭh tơm rveh Y Wưn Byă blău ngăn ta nkô̆ nău nkrơh. Rlău ma nĕ, mpôl rdâng ƀư lĕ an âk ndơ nkhôm e an ăp nuĭh tơm rveh n’hanh rveh râng răm rgum rveh.

Ta ntŭk pâl nđaih ntŭk rêh jêng Ko Tam, nkuăl ƀon têh Buôn Ma Thuột, rnâng kan leo ƀư lễ hội cà phê Buôn Ma Thuột ƀư rơh tâm rlong trah mon ndơ mỹ nghệ bâh tơm cà phê. Rơh tâm rlong trah mon ndơ mỹ nghệ bâh tơm cà phê geh 53 nghệ thân tât bâh ăp nkuăl, nkuăl ƀon têh ta n’gor Dak Lak n’hanh ăp n’gor Dak Nông, Gia Lai, Kon Tum n’hanh Lâm Đồng tât râng.

Tâm 3 nar ba năp, ăp nghệ nhân lĕ ntêm âk mông nar n’hanh nău nsrôih gay ma njêng ăp tác phẩm đah bôk nău mpeh nău rêh, nău kan bâh ăp mpôl rnoi tây Nguyên, mpeh nău mât ueh ntŭk gŭ rêh, mât ndơ ueh khlăy,, nău ŭch hun hao, n’hao nău khlăy ndơ cà phê n’hanh ăpntil ndơ mỹ nghệ dŏng ƀư ueh an nău rêh jêng. Lôch rơh tâm rlong, rnâng kan leo kan lĕ pa 1 giải 1, 2 giải 2, 3 giải 3, 5 giải khuyến khích an 11 tác giải geh giảii, pă giải bâh ntŭk kan ntuh kơl an 15 tác phẩm, pă sƀ kơp dơn an ăp nghệ nhân tât râng tâm rlong.