Ta ntŭk ntô nghệ thuật Ban Mê, nkual ƀon têh Buôn Ma Thuột, n’gor Dak Lak lĕ ntơm ƀư mpla nsơ mỹ thuật Chiêng màu đah âk tác phẩm hội họa uĕh, geh âk văn hóa Tây Nguyên. Ƀư tât lĕ nar 20/8 tât, Mpla nsơ mỹ thuật Chiêng màu mpla nsơ 50 tác phẩm hội họa bah 24 nuĭh lah họa sĩ, hội viên, pah kan ndrel bah Hội Văn học Nghệ thuật Dak Lak.

Du tác phẩm geh nău uĕh êng, dŏng âk ndơ ƀư kơt sơn dầu, sơn mài, màu dak,... Ăp ndơ ƀư rup nkoch nău rêh ƀon lan, ăp ndơ bên tâm nău rêh ăp rnoi mpôl đêt ta ntŭk, ăp bri, ăp nkao si gŭr,... jêng du ntŭk nghệ thuật uĕh Tây Nguyên. Tâm bôk nău, Chi hội Mỹ thuật Dak Lak ƀư rgum nchră đah bôk nău “Mĩ thuật Dak Lak ăp nău nkoch...” gay kơl ƀon lan ŭch mỹ thuật dơi djăt ăp họa sĩ tâm rgâl mpeh nău nchih rklă n’hanh ndơ̆ ndơ ƀư tât êp lơn đah ƀon lan.