Ôi (19/4), Sở Văn hóa Thể thao n’hanh Pâl nđaih Dak Lak ntơm ƀư trong nchrăp “Mât ndray n’hanh ntik n’hao drăp ndơ ơm yău ntlơi an tay văn hóa mô mpơl săk ta n’gor Dak Lak” tă bah Hàn Quốc kơl đah lĕ rngôch rnoh khlay 55 rbăn đôlar ƀư tâm năm aơ. Tâm trôm bôk nchrăp kan, Dak Lak mbra ƀư ăp jrô trêng nti tay nău blău tơm mpeh nău mprĭng an druh ndăm Rđe ta nkuâl  Cư Mgar; trêng nti tay chĭng gong nkre múa xoang an nuĭh Jrai ta nkuâl Ea Hleo.

Pă an 5 bor chĭng gong Jarai n’hanh Rđe an ăp nkuâl Ea Hleo, Krông Năng, Cư Mgar, thị xã Buôn Hồ n’hanh nkual ƀon têh Buôn Ma Thuột. Pă an 124 ndơ nsoh Rđe, Jarai an ăp rmôt chĭng gong, njroh mprơ ta ăp nkuâl. An ƀư rgum joi, nchih nkah, rhôp ăp nău mpât mprơ, nău mprĭng, rblang jêng bar nău ngơi Việt – Rđe; tăch n’gluh siƀŭt n’hanh phim tư liệu mpeh nău mprĭng gay dŏng an pah kan nkoch trêng n’hanh mât ndray ăp rnoh khlay drăp ndơ ơm yău ntlơi an tay văn hóa mô mpơl săk ta n’gor.