Kêng măng 2/11, tâm xã Hoà Xuân, Nkuăl ƀon têh Buôn Ma Thuột, Sở Văn hoá, Thể thao ndrel pâl n’aih Dak Lak ƀư ntơm rmôt kan tanh njuh vay ơm bah rnoi Rđe ƀon Drai Hling ndrel ntơm pơk jrâu nkoch mbơh nau tanh njuh vay ơm bah rnoi Rđe. Tanh njuh lah du nau kan ơm geh tă bah jŏ, lah nau ueh bah âk rnoi mopol. Đah ma rnoi rđe, nau kan tanh njuh vay yor bu ur ƀư, ndơn nau blau bah âk rơh ndrel geh mât tât rnôk aơ.

Rmôt kan tanh njuh vay ơm rnoi rđe ƀon Drai Hling geh ndâk tĭng nau ntrŭnh bah UBND Nkuăl ƀon têh Buôn Ma Thuột, geh 15 nŭih lah rnoi Rđe ndrel 3 ƀon tâm xã Hoà Xuân râng. Aơ lah nau kan ƀư tĭng nau nchrăp` bah Sở Văn hoá, Thể thao ndrel pâl n’aih Dak Lak mpeh bôk nau kan “Mât, ƀư ueh nau khlay văn hoá vay ơm ueh bah ăp rnoi mpôl đê̆ ndrel nau hun hao pâl n’aih” tâm bôk nau kan Nkô̆ nau neh dak hun hao văng sa nkuăl rnoi mpôl đê̆ ndrel gôl yôk, tă bah tơm prăk ƀư nau kan năm 2022-2023./.