Tâm năm aơ, n'gor Dak Lak geh 2 buôn dơi ntop kơl hun hao pâl nđaih nsum mpôl đah rnoh dŭt âk 1 rmen prăk ăp buôn. Nê lah buôn Kuôp, xã Dray Sáp, nkuâl Krông Ana n'hanh buôn Trí, xã Krông Na, nkuâl Buôn Đôn. Ta buôn Kuốp geh bơi 70% lah nuĭh Rđe n'hanh Bu Nong gŭ rêh.

Buôn aƀaơ hôm mât ndray dơi 50 mblâm jay rot way ơm,  geh âk nău way ơm, cheh tanh, nău kan trah mon ndơ uh goh n'hanh âk ndơ sa way ơm. Bah meng buôn hôm geh 2 ntŭk têl ơm yău gưl neh dak lah leng Drai sap Thượng n'hanh leng Drai Nu dôl pơk mpông pâl nđaih. Ta buôn Trí geh 11 rnoi mpôl đê̆ ndrel gŭ rêh. Tâm buôn aƀaơ hôm mât ndray dơi 117 jay rot way ơm,  jay rgum ƀon n'hanh geh âk ntŭk pâl nđaih wăr kiău ma, njêng trong hăn pâl nđaih rloh rlău, ntop geh âk ntŭk pâl nđaih an năch rnôk hăn tât Buôn Đôn.