Kơp tât aƀaơ, lĕ geh bơi tât 30 bor chĭng, rlău 430 ndơ nsoh way ơm geh pă an ntŭk ƀon lan gay ma ntop mât rbăy n’hanh n’hao nău way ueh êng mpeh chĭng gong ta Dak Lak.

Tĭng nĕ, năm aơ ntŭk kan lĕ pă an 8 bor chĭng knah Rđe n’hanh bơi tât 130 ndơ nsoh way ơm bâh rnoi Rđe an ăp mpôl tŭr chĭng, mpôl njroh mprơ ta 9 ƀon, 1 ngih nti PTDT nội trú n’hanh 1 mpôl njroh mprơ ta xã ta 7 nkuăl, nkuăl têh bâh n’gor Dak Lak. Aơ lah năm tal 4 ntŭk kan văn hóa- thể thao n’hanh pâl nđaih ta Dak Lak mbơh tơih pă chĭng n’hanh ndơ nsoh way ơm an ăp mpôl tŭr chĭng, mpôl njroh mprơ ta ăp thôn ƀon. Ngăn lah, năm aơ, ndrel đah rnoh pă an bâh n’gor hôm nha geh rnoh prăk ntuh kơl bâh ntŭk kan tâm kơl lam ntur neh n’gor Jeollabuk, Hàn Quốc tĭng nkô̆ nău kơl kan kĩ thuật mât rbăy n’hanh n’hao nău di sản văn hóa phi vật thể ta Dak Lak.