Tâm nchră geh nău tât râng bah ăp n’gâng kan n’gor, ăp n’gâng kan tâm dâng, ăp nuĭh rnâng kan, doanh nghiệp n’hanh nhih pah kan tâm trong kan pâl nđaih. Tĭng trong nchrăp đề án, Dak Lak rƀŏng trong hun hao pâl nđaih tĭng trong rƀŏng nđĭr uĕh, nâp dăng nkre đah mât ndray ăp rnoh khlay văn hóa ƀon tơm ta ntŭk, tơm ndơ mpêt khlay bri dak n’hanh rdâk njêng ndơ geh ƀư pâl nđaih ntĭt êng bah nkual Tây Nguyên.

Ăp ndơ geh ƀư tơm dơi ntrŏng lah pâl nđaih bri dak, rlu rlău, rlong saơ văn hóa nsum mpôl, pâl nđaih tuch tăm, pâl nđaih cà phê, pâl nđaih dêh bên đah rveh n’hanh pâl nđaih nkre đah ntŭk tŭr goh chĭng gong Tây Nguyên. Ta tâm nchră, ăp nuĭh râng an lah Dak Lak săk geh âk hun hao pâl nđaih nơm geh bri, leng dak, n’glău ndrel săk tơm văn hóa ntĭt êng bah Tây Nguyên. Yơn lah, pâl nđaih Dak Lak hôm âk kol khan kơt mô hŏ geh ntŭk ntô ndơ dŏng ăp kôp, âk ntŭk rhŏ dŏng mô hŏ săk blău âk, ntŭk pâl măng hôm đêt n’hanh mô hŏ geh âk doanh nghiệp ntuh kơl njêng suan rêng lam. N’gor ân rgâl geh ntŭk ntô ndơ dŏng ntung trong, ra uănh tay na nê̆ ăp ndơ dôl geh gay hun hao tâm di; an lor ăp ndơ geh ƀư nkah têl mha êng.