Nău kan vơt rhơn Đại lễ Phật đản Phật lịch 2570-Dương lịch năm 2026 ta Lâm Đồng geh bôk nău kan “Njêng nău kan lễ hội văn hoá Phật giáo Việt Nam mhe, mpŏng tât tâm di ueh đah nău kan nău way ơm n’hanh ăp nău kan mbơh tơih nău ueh, nău njroh mprơ, nău đăp mpăn rêh jêng kơl an nău rêh jêng”. Tâm ntơm bâh aƀaơ tât lơ 31/5, ta nkual nklang Đà Lạt, Gia Nghiã n’hanh Phan Thiết bâh n’gor Lâm Đồng, mbra geh ƀư âk nău kan ueh, răng dăng, geh âk nău ueh mpeh Phật giáo. Bâh ăp nău kan aơ ntop mbơh tơih rup ueh Phật giáo Việt Nam way hăn ndrel đah mpôl rnoi, n’hao nău mĭn kan nsum, mât đăp mpăn neh dak, ueh lăng ƀon lan ta rơh mhe.