UBND n’gor Dak Lak mhe ŭch nău ntrŭnh an nkual ƀon têh mbơh rlong ƀư nkual ƀon têh hăn jâng n’hanh tăch manh ndeh wah jâng nsum mpôl ta nkual ƀon têh. Bôk nău tâm rgop nchră nău aơ dơi mpŏng geh du ntŭk nsum mpôl dơh an nuĭh ƀon lan n’hanh bu năch. Tĭng nĕ, nkual ƀon têh hăn jâng nchrăp mbra pă ta lĕ rngôch n’har trong Phan Đình Giót (lvang trong Lê Duẩn tât trong Lê Hồng Phong).

Njok trong nkual ƀon têh hăn jâng mbra mpla tăch ăp ndơ thủ công mỹ nghệ, ndơ tâm an nkah ndrăy n’hanh ăp ndơ sa ntĭt mpơl bah Tây Nguyên. Đah nău manh ndeh wah jâng trong nkual ƀon têh nchrăp mbra ƀư nklăp 20 ntŭk ta ăp nkual ntŭk nsum mpôl, ăp nkual ntŭk tăch, manh, ăp ntŭk tât di tích văn hóa lịch sử, ăp ntŭk ndeh buýt. Tơm prăk dơi ƀư tĭnh kon nuĭh tâm rgop.