Hội văn học nghệ thuật Dak Lak mhe ƀư tâm nchră 80 năm Đề cương văn hoá Việt Nam ndrel nau hun hao văn học nghệ thuật Việt Nam; Văn học nghệ thuật Dak Lak. Tâm rnôk tâm nchră, ăp ntoh măt ƀư kloh ăp nau khlay bah Đề cương văn hoá Việt Nam tâm nau mât nau ơm văn hoá ăp rnoi mpôl bah Dak Lak tâm rnôk aơ; nau nchrăp tât Đề cương mpeh nau ơm yau bah Việt Nam năm 1943;

Hun hao nau vay ơm bah rnoi nŭih tâm Dak Lak tĭng nuih n’hâm bah Bôk nau kan văn hoá Việt Nam 1943. Âk ntoh măt kŏ nchră nkô̆ nau geh tât nau ƀư nau ntrŭnh bah Bộ chính trị gưl X mpeh nau lŏ ndâk njêng ndrel hun hao văn học, nghệ thuật tâm rnôk mhe. Nau kan mât, ƀư ueh ăp nau khlay văn hoá ơm tâm ăp nkuăl. Ntrong n’hao nau nâp nau bư njroh mprơ tâm ƀon lan tâm ăp nkuăl tơm, nkuăl n’har bri./.