Ôi 17/10, ta xă Yang Tao, nkuăl Lắk, N’gâng kan Văn hóa-Thể thao n’hanh Pâl nđaih Dak lak ƀư pơk jrô ntĭm n’hanh ƀư nău kan mon uk i ty bah nuĭh Bunong an bu ur ƀon Dơng Bắk. Ƀon Dơng Bắk, xă Yang Tao, nkuăl Lắk, n’gor Dak Lak dơi uănh lah ntŭk geh ta Tây Nguyên hôm e mât ndrăy nău kan ƀư mon uk yău kăl e bah nuĭh Bunong Rlâm. Aơ lah nău kan way ơm lĕ geh bah kăl e bâh Bunong, đah trong ƀư đah ti lĕ rngôch ta ăp ntil, jêng rup gui, ih kro n’hanh djôt gŭch.

Aƀaơ nău kan aơ wăch rgum âk năch pâl nđaih tât uănh, rlong ƀư. Bôl ndrĭ, aƀaơ knŭng hôm đêt nghệ nhân, lĕ rngôch lah bu ur hôm e mât nău kan. Jrô ntĭm n’hanh ƀư nău kan mon uk i ty bah nuĭh Bunong dơi ƀư bah tơm prăk Nău nchrăp Mât ndrăy, mât uĕh naư khlay văn hóa way ơm uĕh lăng bah ăp rnoi mpôl đêt hăn ndrel đah hun hao pâl nđaih mpeh tâm bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt n’hanh nkual yôk lvang 2021-2030. Râng jrô nti geh 20 nuĭh lah bu ur nuĭh Bunong ta ƀon Dơng Bắk, xă Yang Tao. Ăp nuĭh nti mbra dơi nti n’hanh ƀư ngăn ăp gưl gay jêng luh du ntil ndơ.