Ta rơh pah kan, 2 ntŭk kan ndrel tâm mbơh nău, tâm mbơh nău tă blău kan tâm trong hun hao pâl nđaih nâp nâl, geh tât nău tă gĭt blău ƀư pâl nđaih ta ntŭk rêh jêng, trong kan pă kan an geh tâm di na nê̆, kloh rjăp, nău kan kơl kan nuĭh ƀon lan tât râng ƀư pâl nđaih ueh, tâm ban kơt trong kan mât uănh, leo pah kan pâl nđaih tâm nău ntrôl dăng rgâl mhe hành chính n’hanh lăp kan ndrel đah lam ntur neh. Tĭng nău mbơh bâh wa Lê Phúc Long, Groi Giám đốc ntŭk kan văn hoá, thể thao n’hanh pâl nđaih ta n’gor Đăk Lăk, tâm ntrong kan, mpôl kan lĕ geh uănh năl âk nău pâl nđaih êng ta mpeh Bắc. Bâh nĕ, joi trong rgâl mhe nău kan tâm nău hun hao pâl nđaih, ntop n’hao nău dơi mât uănh, tă njoat geh ƀư lôch trong mpŏng hun hao pâl nđaih ta ntŭk.