Nar rgum ŭch mbah rhơn nkah gĭt 133 năm nar deh bah Kruanh Hồ Chí Minh 19/5. Râng nar rgum geh rlău 400 nghệ nhân, diễn viên n’hanh ăp nuĭh tâm rlong bah ăp rnoi mpôl đêt gŭ rêh ăp xă, nkuăl têh tâm nkuăl.

Ƀư tâm 2 nar 9 n’hanh 10/5, nar rgum geh âk nău ƀư uĕh: Ƀư tay ăp nău ƀư brah way ơm bah nsum mpôl ăp rnoi mpôl đêt ta nkuăl; Tŭr chĭng n’hanh ăp ntil mboăt n’hôm; Ƀư jay way ơm n’hanh mpla nsơ ndơ ntĭt mpơl ta ntŭk; Tâm rlong tơm njuh n’hanh ăp môn thể thao ƀon lan; Tâm rlong nkrơh mbân ao way ơm, tâm rlong ndơ sa n’hanh ăp nău pâl way ơm.

Nghệ nhân Y Ân (rnoi Bunong) ta thôn Phú Lợi, xă Quảng Phú, nkuăl Krông Nô, n’gor Dak Nông an lah, nău ƀư nar rgum mbra rgop ndâk njêng, mât ndrăy n’hanh ƀư uĕh ăp nău khlay văn hóa way ơm bah nsum mpôl ăp rnoi mpôl đêt ta lam nkuăl.