Festival sâm Ngọc Linh mbra dơi n’gor Kon Tum ƀư 2 năm du tơ̆, nkre lah nău kan wăng sa, nkre lah nău kan lễ hội bah nkual neh geh âk  nău way ơm n’hanh săk tơm văn hóa. Na nê̆ ta nău n’glêh an dŏng Đề án ƀư Festival sâm Ngọc Linh- Kon Tum, Việt Nam (Festival sâm Ngọc Linh), UBND n’gor Kon Tum n’gluh tât njêng geh du nar kan têh nkre lah du nău kan wăng sa, nkre lah nar ƀư lễ hội bah nkual neh ơm geh nău way n’hanh săk tơm văn hóa.

Ma nar Festival sâm Ngọc Linh n’gor Kon Tum ŭch rŏng ntrŭt ntrôl pah kan mât ndray bri dak mpêt khlay, tơm ntŭk pâl nđaih du trong tâm di; njêng suan rhôp wăch rgum ntuh kơl ndơ̆ ăp ndơ geh ƀư bah tơm sâm Ngọc Linh n’hanh tơm dak si êng geh săk ntơ lư, nkre njêng luh ăp ndơ geh ƀư pâl nđaih nkre đah tơm sâm Ngọc Linh. Gay nchrăp an Festival sâm Ngọc Linh ƀư lor bôk năp tâm năm 2024, UBND n’gor Kon Tum hŏ jao Sở Văn hóa, Thể thao n’hanh Pâl nđaih ƀư tơm, kan nsum đah ăp nhih pah kan, ăp nkuâl geh tât ƀư lôch jêh nău rdâk njêng trong nchrăp na nê̆ gay an tĭng ƀư bah năp nar 20/10/2023.