Ta aơ geh 25 ndrơng ndơ, mbơh tơih tât năch pâl nđaih ăp nău văn hóa ndơ sông sa ntoh lư âk nlual, ndrel đah ăp bôk nău kan văn nghệ, njroh mprơ, nău ueh ang ntoh lư.

Ăp ntil ndơ sa ntoh lư bâh nkual neh Tây Nguyên kơt lah djăr gŭch, m’êt prung, blân tăng, n’ha bum...ndrel đah ăp ndơ way tăch ta pĭt trong geh bánh bèo, banh tai vạc, bánh lọc n’ha prit Huế, ăp ndơ sa bâh klo ƀư kơt Thái...lĕ nsĭt an năch nău ueh kah êng. Ta meng ăp ndrơng ndơ sa ntoh lư bâh nuĭh ƀon lan ta Gia Lai kơt cà phê  môi, tiu, măc ca, điều pâr kro, ndrôk ih du nar, yến sào, geh âk năch mât uănh.