Măng nơh (21/4) ta Quảng trường Hùng Vương, nkual ƀon têh Việt Trì, n’gor Phú Thọ kan nsum đah Bộ Văn hóa, Thể thao n’hanh Pâl nđaih ntơm pơk Lễ hội Đền Hùng, Pơh Văn hóa-Pâl nđaih neh ndru yău năm 2023; Liên hoan lam dak drăp ndơ ơm yău ntlơi an tay văn hoá mô mpơl săk dơi UNESCO nchih săk n’hanh  nkah ndray 20 năm tĭng ƀư Công ước 2003 bah UNESCO”.

Lah ta rơh ntơm pơk, Groi Thủ tướng Trần Hồng Hà lah kloh, nău mât ndray, rdâk njêng n’hanh hun hao rnoh  khlay văn hoá rnoi mpôl đê̆ lah nkô̆ nău rêh nha, kơt Tổng Bí Thư Nguyễn Phú Trọng hŏ lah rjăp nău mbơh gĭt lor bah nuĭh hăn bôk năp ta Tâm nchră Văn hóa lam dak năm 2021: “Văn hóa hôm ri rnoi nuĭh hôm”. đah 15 drăp ndơ ơm yău ntlơi an tay mô mpơl săk hŏ dơi UNESCO nchih săk, Việt Nam lah ngoăy tâm rnoh ăp dak geh âk drăp ndơ văn hoá mpêt khlay nsum mpôl dŭt uĕh êng lam ntŭr neh. Lôch ntơm pơk tâm nchră ƀư bôk nău kan njroh mprơ đah nkô̆ “Linh thiêng nguồn cội-Đất Tổ Hùng Vương”. Bôk nău njroh mprơ geh 3 gâl: Linh thiêng nguồn cội- Đất tổ Hùng Vương, Tinh hoa di sản n’hanh Khát vọng Lạc Hồng.