VOV4.M'nông: Ôi 12/8, ta nkual ƀon têh Nha Trang, n'gor Khánh Hòa, Công đoàn Radio nău ngơi Việt Nam kan nsum đah Nhih pah kan way gŭ kan nkual Miền Trung ƀư tâm rlong thể thao- Njroh mprơ nkual miền Trung- Tây Nguyên năm 2022. Tâm rlong thể thao - Njroh mprơ nkual miền Trung - Tây Nguyên năm 2022 ƀư tâm bar nar 12 n'hanh 13/8. 

Aơ lah nău kan văn hóa thể thao năm 2022 tă bah Công Đoàn Radio nău ngơi Việt Nam rgŏ jă, gay mbah rhơn ngăn ăp nar lễ têh bah neh dak, tâm rlong njêng geh nău dơi mbah rhơn nkah ndray 77 năm njêng Radio nău ngơi Việt Nam (7/9/1945 - 7/9/2022). Râng tâm rlong geh bơi 100 cán bộ, phóng viên, kỹ thuật viên, nuĭh kan bah 8 đơn vị mpeh Radio nău ngơi Việt Nam nkual miền Trung - Tây Nguyên. 

Tâm 2 nar, ăp nuĭh tâm rlong ta ăp nkô̆: cầu lông, nsăt bao bố, têk rse. Rlău ma tâm rlong khuh n'gôr môn thể thao, ăp đơn vị râng njroh mprơ đah ăp nău njroh mprơ nkah uĕh đŏng./.

Nuĭh rblang: Điểu Thân