N’gor Kon Tum dôl an ƀư âk trong nkra gay mât ndray n’hanh ntô̆ n’hao ăp rnoh khlay văn hóa way ơm bah ƀon lan rnoi mpôl đê̆. Tâm 2 năm aơ, lam n’gor hŏ năp 137 bor chĭng gong, gâr an ăp thôn, ƀon rnoi mpôl đê̆ ƀon tơm ta ntŭk; pơk 143 jrô trêng nti chĭng gong, múa xoang.

Tât aƀaơ lam n’gor Kon Tum hŏ geh 409 thôn, ƀon rnoi mpôl đê̆ ƀon  tơm ta ntŭk hŏ rdâk tay jay rot way ơm- du ntŭk gŭ khlay đah nău tŭr chĭng goh gong bah ƀon lan. N’gor Kon Tum nkre tĭng ƀư âk trong nkra, kơt: ƀư trêng nti mpeh nău blău tŭr goh chĭng gong, xoang; ƀư nti drăp ndơ ơm yău ntlơi an tay văn hoá tâm nhih nti phổ thông, ƀư tâm rlong, liên hoan chĭng gong gay mpư rnê, ntrŭt nsôr ăp nuĭh blău trêng nti tay drăp ndơ ơm yău ntlơi an tay văn hóa chĭng gong an rơh mom ndăm bah kơi./