VOV4.M’nông –  Di nar yor nuĭh khih dak si dioxin Việt Nam (10/8), ta n’gor Kon Tum, Mpla nsơ “Dioxin-nău uĕh di n’hanh tâm ban” yor Rmôt nuĭh khih dak si Dioxin Việt Nam, Binh chủng hóa học n’hanh UBND n’gor Kon Tum tâm rgop ƀư wăch rgum năch uănh nsong. Bah Bảo tàng Thư viện n’gor Kon Tum kơp an gĭt, tâm 20 nar bah năp lĕ geh rlău 1.000 nuĭh năch tât uănh nsong mpla nsơ “Dioxian-nău uĕh di n’hanh tâm ban”. Tâm rnoh năch uănh nsong geh âk năch dak bah dih n’hanh nuĭh khih dak si dioxin yor tahen Mỹ krih ta miền Nam tâm rơh tâm lh tâm su Việt Nam lvang năm 1961 tât năm 1971.

Kon Tum: Mpla nsơ “Dioxin-nău uĕh di n’hanh tâm ban”

Pơk mpông tay wơt năch uănh nsong tât lĕ nar 25/8, Mpla nsơ “Dioxin-nău uĕh di n’hanh tâm ban” nkoch bơi 400 păng rup, sam ƀŭt, ndơn ơn. Tă bah mpla nsơ, nuĭh bon lan n’hanh năch wât kloh mpeh khuch khuch bah dak si khih dioxin đah ntŭk ntô gŭ âm n’hanh săk soan kon nuĭh.

Nuĭh rblang: Y Sưng Phê Ja