Tâm ngih rgum bah Vi Rơ Ngheo, xã Đăk Tăng, UBND nkuăl Kon Plông mhe ƀư nau mbơh nau ntrŭnh bah UBND n’gor Kon Tum kơp dơn ƀon pâl n’aih nsum mpôl Vi Rơ Ngheo ndrel ntơm ntoh măt ntŭk tâm boh ƀư pâl n’aih Vi Rơ Ngheo. Ƀon Vi Rơ Ngheo, xã Đăk Tăng ngai ma nkuăl têh Măng Đen, nkuăl Kon Plông nklăp 40 km mpeh ba lơ.

Ƀon aơ geh 63 rnăk, đah 300 nŭih, 100% kônh wa rnoi Xơ Đăng. Yor nkah êng tâm bri, ƀon lan lŏ blau mât nau vay ơm ri ma Vi Rơ Ngheo rnôk aơ geh âk nau ueh, nau ơm bah rnoi Xơ đăng. Gay ndâk Vi Rơ Ngheo jêng ƀon pâl n’aih nsum geh UBND n’gor Kon Tum kơ dơn, ntơm rnôk aơ 4 năm, đah nau ntĭm bah n’gnâg kan ndrel nau ŭch bah ƀon lan hŏ dŏng ăp ntil ndơ geh ơm kơt lah kđar, lŭ tâm dak gay ma njêng ƀon ndrel ăp ntrong êp ƀon.

Tât rnôk aơ, ƀon Vi Rơ Nghep hŏ joi, yơng ntil nklăp 1000 tơm kao địa lan ndrel phong lan, ƀư mât rong 5 ntil kao phong lan ndrel kao kreng, rvăt tâm ƀon. Bah năp măt geh 5 rnăk tâm ƀon tŏng nau blau gay ma vơt năch tât gŭ măng. Nŭih ƀon lan nchrăp âk ndơ kah, ueh, khlay kơt chĭng-njroh mprơ ndrel ăp ntil ndơ sa bah rnoi Xơ đăng gay kơl an ân năch pâl n’aih./.