Tâm ăp rêng nău kan nkah ndray 93 năm nar njêng Đảng Cộng sản Việt Nam n'hanh 110 năm nar njêng n'gor Kon Tum (9/2/1913- 9/2/2023), ôi (6/2) ta nkuâl Tu Mơ Rông, n'gor Kon Tum ƀư Lễ hội Khinh khí cầu Sâm Ngọc Linh K5 “Mpăr sĭt mpeh bri neh têh hvi".

Ta lễ hội, geh lĕ rngôch 30 mblâm khinh khí cầu mpăr ta nkual neh Tu Mơ Rông, ntŭk tơm me tơm dak si khlay "gưl neh dak" Sâm Ngọc Linh. Râng lễ hội, năch n'hanh nuĭh ƀon lan ta ntŭk dơi an ncho dơm kalơ khinh khí cầu gay rlong uănh rup uĕh bri dak. Nău dŭt mha êng râng Lễ hội geh Trung tướng, Anh hùng lực lượng Vũ trang Nhân dân Phạm Tuân, nuĭh lor bôk năp bah Việt Nam n'hanh Châu Á mpăr lăp tâm kalơ trôk năm 1980.