Ôi lơ 29/9, Ban Dân tộc n’gor Kon Tum ƀư ryơk, rnê nkhôm ăp nŭih, ăp rnăk, ăp ntŭk kan ƀư nau kan ơm geh âk nau dơi tâm nau mât ndrel ƀư ueh nau khlay kan ơm. Tâm rnôk nkhôm rnê geh 6 nŭih geh Kruanh UBND n’gor Kon Tum pă Bằng khen, 23 nŭih geh Kruanh Ban Dân tộc n’gor Kon Tum pă Giấy khen yor geh nau dơi blau ngăn tâm nau kan mât ndrel ƀư ueh ăp nau kan ơm bah ăp rnoi mpôl đê̆ ta ntŭk.

N’gor Kon Tum rnôk aơ geh 43 rnoi mpôl ndrel gŭ rêh, tâm nê geh 7 rnoi mpôl đê̆ ta ntŭk, geh: Xơ-đăng, Giẻ-triêng, Bah-nar, Gia Lai, B’râu, Rơ măm ndrel Hrê. Rlet rlau rơh aơ, tât rnôk aơ, nsum mpôl ăp rnoi mpôl ta ntŭk tâm n’gor Kon Tum hôm mât dơi âk nau ueh ơm bah rnoi nơm, ntoh ngăn lah nau kan ơm kơt: Tanh njuh, chiăr, tanh dông, sa, ăp nau kan trah chĭng gong, trah duk, trah rup... ƀư ueh tay nau rêh nuih n’hâm ndrel drăp dnơ bah ƀon lan./.