Ôi 6/2 (jêng nar 9 khay ngoăy năm Ất Tỵ), ta nkual drăp ndơ Hoàng Thành Thăng Long-Hà Nội, Ntŭk Mât rƀăy drăp ndơ yău Thăng Long-Hà Nội tâm rgop đah Rmôt drăp ndơ yău Văn hóa Thăng Long-Hà Nội ƀư mpoh su nhang, ntơm ƀư yan khay puh nkah gĭt ăp nuĭh hăn lor, ăp nuĭh gĭt blău geh soan đah neh dak. Kruanh dak Lương Cường ƀư tơm mpoh su nhang. Ƀư mpoh su nhang dơi ƀư rjăp gay dăn an bri dak, ƀon lan đăp mpăn, mpơl nuih n’hâm ryơk, nkah gĭt ăp kđăch uĕh ang, săk rmêh rmên lĕ geh soan pơk trong văn hiến Thăng Long, rdâk njêng văn minh Đại Việt, trêng tât rnôk Hồ Chí Minh he...

Kruanh dak ndrel ăp đại biểu nsrôih mât uĕh nău way ơm văn hiến, janh dăng bah Thăng Long-Hà Nội n’hanh nău khlay bah rnoi nuĭh; du nuih n’hâm; tĭng jâng nuĭh hăn lor, nthoi tay n’hâm soan Thăng Long; rgum mât tâm rnglăp lam ƀon lan, ndâk njêng neh dak nar lơ ndrŏng uĕh, ƀon lan ƀư tơm, tâm ban, gĭt blău; rƀŏng tât rach năm mhe, răch năm hun hao dăng n’hanh uĕh lăng; nuĭh ƀon lan geh nău rêh hơm răm, uĕh lăng.