Măng nđaơ (29/8), ta Ngih mprơ Hồ Gươm, Hà Nội, Kruanh Quốc hội Vương Đình Huệ lĕ râng Bôk nău ƀư Nghệ thuật têh “Nắng Ba Đình”. Bôk nău ƀư yor Báo Đại biểu Nhân dân ƀư tơm, tâm rgop ƀư di nkah gĭt 78 năm Cách mạng khay 8 n’hanh Quốc khanh 2/9, rƀŏng tât nkah gĭt 35 năm ndâk njêng Báo đại biểu Nhân dân (5/10).

Ntoh ngơi bôk nău, Tổng Biên tập Báo Đại biểu Nhân dân Phạm Thị Thanh Huyền lah rjăp, lôch uĕh bah Cách mạng khay 8 năm 1945 n’hanh ntoh luh bah dak Việt Nam Dân Chủ Cộng hòa, aƀaơ lah dak Cộng hòa xã hội chủ nghĩa Việt Nam lah du njoăt hăn têh, du nău ntoh ang tâm lịch sử têh dăng bah rnoi nuĭh; ndơ̆ neh dak he hăn du rach năm mhe-rach năm đăp mpăn rnoi nuĭh hăn ndrel đah chủ nghĩa xã hội; leo nuĭh ƀon lan bah nuĭh dĭk rnŏ tât rgâl mhe chính tri ƀư tơm nău rêh bah nơm. Bôk nău ƀư nghệ thuật “Nắng Ba Đình” rgop plơ̆ tay nuih n’hâm bah ăp năm khay mô dơi chuêl; rnê ƀon tơm neh dak, rnê Đảng, Wa Hồ, ntô̆ n’hao ăp nău dơi têh bah nuĭh ƀon lan he, yor Việt Nam têh dăng.