VOV4.M’Nông-Bâh 36 rơh tâm rlong ntoh n’gôr ta nkuăl ƀon têh Đà Lạt, n’gor Lâm Đồng, rơh tâm rlong bôk năp bâh nglâ̆ dŭt tâm rlong Futsal HĐBank têh dăng 2022 lĕ lôch ta kêng măng nar 4/7. Rơh tâm rlong nglâ̆ dŭt bâh rơh chung kết giải Futsal HDBank têh dăng ngih dak năm 2022 geh ƀư tâm rlong đah 2 mpôl Thái Sơn Bắc n’hanh Sài Gòn FC nglôch lôch, nău dơi đah mpôl Sài Gòn FC đah rnoh dơi lah 3-0.

Kơt nĕ, lôch rơh tâm rlong bôk năp, Sahaco lah mpôl leo bôk năp pă dăp đah 20 điểm, lôch nĕ lah 2 mpôl Thái Sơn Nam, Thái Sơn Bắc geh tâm ban rnoh điểm lah 15, Sài Gòn FC 14 điểm. Nglâ̆ dŭt bảng xếp hạng lah 2 mpôl Cao Bằng n’hanh Tân Hiệp Hưng, đah rnoh điểm tâm ban 5 điểm. Tĭng nău mbơh bâh ntŭk leo kan giải Futsal HDBank têh dăng ngih dak 2022, bâh ăp rơh tâm rlong săch lăp n’hanh rơh ntơm hăn geh ƀư ta Đà Lạt an saơ, nău ueh dăng bâh mpôl tâm rlong lĕ n’hao âk đah rơh ba năp. Nău nĕ, klâp lah mbra nsĭt tay âk ăp rơh tâm rlong ta rơh ntơm hăn sĭt tât nglâ̆ dŭt bâh rơh tâm rlong geh ƀư ta Cần Thơ ta khay 10 tay.

Nuĭh rblang: Thị Đoắt