Ôi 3/3, Sở Văn hóa – Thể thao n'hanh Pâl nđaih Dak Lak ƀư lễ mbơh buôn Pâl nđaih nsum mpôl lam ƀon lan lor bôk năp ta Dak Lak, nê lah buôn Akŏ Dhông, phường Tân Lợi, nkual ƀon têh Buôn Ma Thuột. Akŏ Dhông lah buôn bah nuĭh Rđe dơi njêng đah aƀaơ nklăp 60 năm. Aơ dơi uănh lah buôn Rđe dŭt uĕh ndrŏng Dak Lak đah âk jay rot way ơm, âk tơm si n'hâm n'hanh kao si rêh. Kônh wa ta aơ mât ndray văn hóa chĭng gong, ndơ uh goh, ăp nău kan way ơm bah rnoi nuĭh đŏng.

Tĭng ƀư nghị quyết bah HĐND n'gor Dak Lak, tâm bah ri aơ ngân sách n'gor hŏ sŏk dŏng bơi 1 rmen prăk ntop kơl buôn Akŏ Dhông ƀư lôch jêh ăp ntŭk mât ndeh, jay ăch chrach nsum mpôl, păng nchih leo trong hăn,... njêng Ban Mât ŭanh nkual pâl nđaih nsum mpôl buôn n'hanh pơk ăp jrô kơi năp nti mpeh pâl nđaih nsum mpôl an nuĭh tâm buôn. Tât aƀaơ, buôn Akŏ Dhông hŏ tŏng ăp geh ndơ n'hanh tơm nuĭh kan gay rhŏ an năch pâl nđaih tâm n'hanh bah dih dak.