Đah bôk nău “Ƀư tĭng pháp luật gay ma rdâk njêng văn hóa hăn trong đăp mpăn” nar tâm mâp lĕ geh tât 300 đoàn viên mom ndăm tât râng.

Ta aơ, ăp đoàn viên mom ndăm geh tât râng ăp nău kan kơt lah: Tâm rlong ơh ăp nău ôp geh tât luật hăn trong , djăt mbơh ntĭm mât đăp mpăn hăn trong tâm mbơh mpeh nău dơi ngăn tâm rnôk hăn ta trong kơt lah: uănh năl lor ndeh ê lor hăn, ndu môp n’gang bôk an tâm di, nău mĭn ndeh an đăp mpăn. Nar tâm mâp “Mom ndăm Gia Lai đah văn hóa hăn trong” năm 2023 gay ma ntrôl dăng nău mbơh tơih, ntĭm nti tâm đoàn viên mom ndăm mpeh mât đăp mpăn rnôk hăn trong, n’hao nău gĭt vât, nău ƀư tĭng Luật hăn trong ntop mât bah ir geh ƀư tih n’hanh bah prah tâm tom ndeh.