Ôi 3/5, Lễ mbah cờ SEA Games 32 geh ƀư tâm ntŭk rgum nau kan thể thao neh dak Campuchia Modorok Techo. Ăp rmôt đă 32 nŭih râng, rnoh aơ tâm ban ma rnoh SEA Games 32. Tĭng nau nchrăp bôk năp, nau aơ geh tâm lơ 4/5, yơn dak tơm ngih ƀư ơm lơn, ri ma rmôt kan Thể thao Việt Nam ê hăn tŏng. Rmôt tâm rlong bah Việt Nam râng SEA Games 32 đah 1.003 nŭih, tâm nê geh du hê Kruanh rmôt ndrel 2 Groi.

Rmôt tâm rlong bah Việt Nam râng 31 môm, 446 nau tâm rlong, ŭch geh ntơm 90-120 Huy chương Vàng ta SEA Game 32. Ăp năm ma aơ, jêh rnôk ndơn nau ƀư tơm nau tâm rlong SEA Games, dak băl hŏ mbơh nau đah Uỷ ban Olympic âk dak tâm nkuăl đă kơl an. Yơn jêh tâm rnôk Yông cờ SEA Games geh ƀư kŏ geh nau kơl an tă bah Malaysia. Êng nê, mpeh Rnâng kan ƀư tơm ngih kŏ geh tâm mâp nchră đah rmôt kan thể thao Châu Á gay ma kơt tĭng nau tă blau ƀư kan./.