VOV4.M’nông: Ơi kônh wa ndrel băl mpôl. Pơh ƀư vay ơm njur n’gâng njuh vay geh kônh wa ƀư tâm kêng măng lơ 7 khay ngoai gay ma lôch âk nar rlu tết. Tĭng nau vay ơm kăl e, n’gâng njuh nar tết mra geh ndâk bah năp ngih ntơm lơ 23 khay ngoai, mô lah lah ngăn lah lơ 30 tết. Mâng ƀư n’gâng njuh jong nklăp 5-6 mét geh ndâk, jêh ri mpeh ba lơ nê geh bu ƀư yông âk ntil ndơ ntoh mhô tĭng nau vay bah ƀon lan, nau ơm, rnoi nŭih. Geh ntŭk ri hôm yông ngăn n’ăp ma n’ha prit nkŏ, hôm săk tơm n’gâng njuh geh lir màu chăng, geh ân năp ma ăp ntil rup nkra ma n’ha rđai, mô lah ăp ntil mpa geh bu mon ma neh uk...geh ntŭk ri bu sok du mlâm dŭng kon jê̆ tâl ngăn mlu, play ndrel n’hôm, du mlâm teng neng sial, ndrel ăp ntil n’ha si, rsau djăr, jăm. Lah geh sial khôm ăp ntil ndơ geh yông tâm nê geh tâm teng nteh. Tâm nâm tơm njuh geh bu srih vôi ndrel ma vẽ rup kơt lah mâng na./.

Nŭih rblang: H’Thi