Tâm xã Yang Tao, nkuăl Lăk, Sở Văn hoá-Thể thao ndrel Pâl n’aih Dak Lak mhe ƀư ntơm pơk jrâu ntĭm nti nau tur chĭng ndrel hyơt bah rnoi Bunong. Aơ lah 1 tâm 3 jrâu geh ƀư tĭng nau kan mrô 6, Bôk nau kan bah neh dak hun hao văng sa, jêh jêng nkuăl rnoi mpôl đê̆ ndrel gôl yôk tâm năm aơ ta Dak Lak. Jrâu nti tur chĭng ndrel hyơt Bunong tâm xã Yang Tao geh 32 nŭih, ntơm 13 tât 54 năm râng.

Tâm du khay, ăp nŭih aơ mra geh ntĭm nti nau hyơt ndrel tur 3 nau chĭng rnoi Bunong yor ăp bu ranh tâm nkuăl nê ntĭm. Bah jrâu nti gay nchrăp nau blau tur chĭng ân druh ndăm ndrel ƀon lan. Ndâk nau ŭch rŏng tur chĭng, n’hao nau mât nau ơm bah rnoi mpôl, ƀư ueh nau khlay nau tur chĭng Tây Nguyên./.