VOV4.M'nông: Kêng măng (5/8), ta nkual ƀon têh Buôn Ma Thuột, ƀư Rgum nchră, nkoch n'hơ, ntrŭt ntrôl ngăch pâl nđaih ntŭk tât 5 n'gor "Quảng Bình - Quảng Trị - Thừa Thiên Huế- Đà Nẵng - Quảng Nam" ta ăp n'gor nkual Tây Nguyên. Tâm nchră gay nkoch n'hơ mpeh nkual drăp ndơ ơm yău ntlơi an tay uĕh êng, nkoch n'hơ ăp ntil ndơ geh pâl nđaih n'hanh bôk nău kan ntrŭt nsôr bah 5 nkual miền Trung lah Quảng Bình, Quảng Trị, Thừa Thiên Huế, Đà Nẵng n'hanh Quảng Nam tât ăp công ty pâl nđaih, hăn pâl jong nar ta nkual Tây Nguyên.

Nkre ntrŭt ntrôl nău buăt nthoi, tâm boh hun hao pâl nđaih đah 5 n'gor dja đah ăp n'gor nkual Tây Nguyên, nta trong dơh an ăp doanh nghiệp tâm boh hun hao ntŭk pâl nđaih, n'hao dăng buăt nthoi đah 2 nkual, rgop dâk hao n'hanh ndơ̆ pâl nđaih jêng n'gâng kan wăng sa tơm khlay. Tĭng nê, ăp đơn vị hŏ ký ton tâm boh, hun hao pâl nđaih đah ăp n'gor tâm 2 nkual miền Trung n'hanh Tây Nguyên.

Nuĭh rblang: Điểu Thân