Măng 29/9, ta nkuăl ân hăn jâng tâm nglau Hoàn Kiếm, geh ƀư Festival Thu Hà Nội năm 2023, đah nkô̆ “Thu Hà Nội-Tât gay ŭch”. Bôk nau kan gay ryơk, nkoch mbơh ăp ntŭk tât, ăp ntil ndơ pâl n’aih tâm rnôk yan mùa Thu Hà Nội. Festival geh ăp nau ƀư “Nau ueh mùa thu”, “Nau kah mùa thu”, “Nklâm ndơ mùa thu”, “Mir ang ŭnh” dah ăp nau mpla n’hơ, nkoch mbơh, ăp rup ueh nkoch tât ăp ntŭk pâl n’aih Hà Nội ueh tâm yan Mùa thu kơt ntung Long Biên, nkual ƀon têh ơm yau Hà Nội, chùa Một Cột, ƀon kao Mê Linh, ƀon ơm Đường Lâm.

Ngăn lah, mra geh ăp ntŭk ndơ tăch ƀư kơt ngih Phố Phái tâm Phố Lê Thạch, ntŭk gâm tăch ndơ sa tâm Tạ Hiện...Rơh aơ, nkual ƀon têh Hà Nội kŏ ƀư ntŭk Nkoch mbơh ndơ sa kah tâm Cung thiếu nhi Hà Nội. Đah nkô̆ “Ăp nau ueh kah ndơ sa Việt”, ntŭk gâm ndơ sa rgum 51 ndrơng ndơ bah ăp ntŭk ƀư nau kan, nŭih gâm sa, tăch ndơ sa ntoh lư ngăn bah Thủ đô Hà Nội ndrel âk nkuăl bah lam dak./.