VOV4.M’nông: Kêng măng 1/7, ta ntŭk ƀư nau tâm rlong bah n’gor Kon Tum hŏ geh rơh ƀư rlong Giải vô địch rlong nchuăt ăp năm mom bah neh dak năm 2022. Nau rlong yor Rmôt ƀư rlong nchuăt Việt Nam tâm rgop nsum đah n’gor Kon Tum ƀư. Geh tâm 5 nar, ntơm lơ 1 tât lơ 5/7/2022 tâm ntŭk tâm rlong bah n’gor Kon Tum, Giải vô địch rlong nchuăt ăp năm mom neh dak năm 2022 geh 670 nŭih rlong bah 61 n’gor, nkuăl ƀon têh ndrel ăp ntŭk bah lam dak râng rlong.

Ăp nŭih rlong geh ntơm 12 tât 17 năm râng rlong tâm 136 nkô̆ gay geh 136 blah huy chương. Bah nau tâm rlong aơ gay ma saơ, săch ndrel ntĭm nti ăp nŭih mom geh nau blau gay ma ntop ân ăp rmôt tâm rlong bah neh dak ndrel rlong tât dak ba dih./.

Nŭih rblang: H’Thi