VOV4.M’nông- Ôi nar naơ 14/6, ta tach tâm rlong n’gor Kon Tum ta nkuăl ƀon têh Kon Tum lĕ geh ƀư rơh ntơm pơk Đại hội thể dục thể thao n’gor Kon Tum tal 7 năm kan 2022. geh ƀư tâm 7 nar, bâh aƀaơ tât lĕ nar 20/6, Đại hội thể dục thể thao n’gor Kon Tum tal 7 năm 2022 geh 30 mpôl đah 2.600 cán bộ, nuĭh ntĭm leo n’hanh nuĭh tâm rlong tât râng. Ta Đại hội ăp nuĭh tâm rlong ta 18 môn tâm rlong n’hanh tâm rlong geh 136 huy chương.

Ta năp ntơm pơk đại hội lĕ geh 10 môn geh leo ƀư tâm rlong lor, geh: Pah play, cầu lông, cờ vua, cờ tướng, re dak, nchoăt, chưng play bu klô, karate, Taekwondo n’hanh yoga. Wa Nguyễn Xuân Truyền, groi Giám đốc ntŭk kan văn hóa, thể thao n’hanh pâl nđaih, groi kruanh rnâng kan leo kan Đại hội thể dục thể thao n’gor Kon Tum tal 7 năm 2022 an gĭt, đah rơh leo ƀư ba năp, Đại hội rơh aơ geh nău hao nđêp mpeh rnoh môn tâm rlong n’hanh rnoh nuĭh tâm rlong.

Nuĭh rblang: Thị Đoắt