Ôi (17/4), ta nkual ƀon têh Đà Lạt (Lâm Đồng), Bảo tàng Lịch sử Quân sự Việt Nam hŏ ntơm pơk ntŭk rlă rup bôk moh mpeh tahen- tâm lơh tâm su cách mạng năm 2023. Râng rklă rup geh 16 họa sĩ, lah hội viên Hội Mỹ thuật Việt Nam.

Nkô̆ hôr rgum tâm nău nkoch mpeh nuih n’hâm rŏng dak, nău rôih dăng mât njrăng đăp mpăn ƀư tơm, lam lĕ rngôch neh dak; nkoch ăp nău kan bah tahen tâm nô nău mhe ta lĕ rngôch ăp trong pah kan…Tĭng Đại tá Đinh Xuân Hòa, Groi Giám đốc Bảo tàng Lịch sử Quân sự Việt Nam, aơ lah nău kan geh nkô̆ khlay ngăn ngăn, rgop nkoch trêng ăp nău rgop bah lam Đảng, lam ƀon lan, lam tahen he tâm n’gâng kan rdâk njêng n’hanh hun hao neh dak, rdâk njêng tahen nâp dăng mpeh chính trị. Ntŭk rklă rup nchrăp ƀư jŏ tât lĕ nar 28/4 tât.