Djăt ma tâm nar tiết Thanh Minh ăp năm, ƀon lan ăp rnoi nuĭh mpeh Bắc gŭ rêh ta n'gor Dak Lak rhơn nđơr râng Lễ hội Thanh Minh ƀư ta xã Cư A Mung, nkuâl Ea Hleo. Năm aơ, lễ hội geh nkô̆ "Cư A Mung ntŭk wăch rgum, tâm nđŭr n'hanh mpư n'hao săk ntơr văn hóa ăp rnoi mpôl đê̆", ƀư tâm 3 nar, ntơm bah nar 4 tât 6/4.

Lễ hội thanh minh ta Cư A Mung bôk năp tă bah nuĭh Nùng gŭ rêh ta aơ ƀư. Lôch ăp năm, lễ hội nar lơn ma rêng lam hvi, wăch rgum âk mpưm kônh wa ăp rnoi nuĭh mpeh Bắc gŭ rêh tâm nkual tât râng, n'hanh geh nău tâm nđŭr văn hóa bah kônh wa nuĭh Gia Rai ta Tây Nguyên.

Tât đah Lễ hội thanh minh tâl 7 dja, năch dơi gân djăng tâm ntŭk gŭ rêh văn hóa ndjôt săk tơm nău way ăp rnoi nuĭh mpeh Bắc, ndrel đah nê lah wăch rgum tâm nđŭr văn hóa njroh mprơ n'hanh tâm rlai nsum đah văn hóa Tây Nguyên.