Nar 19/7, ta nkuăl ƀon têh Buôn Ma Thuột, Tổng lãnh sự ngih dak Hà Lan tâm rgop ndrel đah bảo tàng thế giới Cà phê ƀư ntơm pơk pla n’hơ Nsrôih dăng  - Ăp nău nkoch mpeh bu ur mbơh tơih nău ueh an nău rgâl mhe.  Aơ lah nău kan ta rơh kahgĭt 50 năm tâm boh kan nchră nău đah dak bah dih đah Hà Lan- Việt Nam.

Geh ƀư bâh aƀaơ tât lĕ nar 19/8 tay. Pla n’hơ ăp tác phẩm nghệ thuật bâh 17 nuĭh sŏk rup ta 13 ngih dak, đah nkô̆ nău lah ăp nău nkoch nsĭt tât nău ueh mpeh rup ăp nuĭh bu ur ta lam ntur neh lĕ rlet rlău nău ntul rlong, nău tât.

Ăp tác phẩm lĕ geh giải âk ta rơh pla n’hơ geh ƀư ta Hà Lan ta năm 2021, ƀư geh nău tât ueh đah nuĭh ƀon lan ta dak kao si Tulip, mpơl nău ryơk rnê ăp nău tâm rgop bâh bu ur n’hanh mpơl nău ryơk rnê đah nău nsrôih bâh khân păng. Ta rơh pla n’hơ lĕ geh ƀư rơh tâm nchră đah ăp năch geh jă khlăy kơt lah Hoa hậu hoàn vũ Việt Nam H’Hen Niê n’hanh du đê̆ bu ur doanh nhân geh nău dơi ta ăp trong kan. Khân păng lĕ nkoch ăp nău nsrôih êng nơm gay ma rlet rlău âk nău jêr, ntul rlong gay ma dơi ăp nău dơi geh n’hanh nău leo kan tâm ntŭk rêh jêng.