VOV4.M’nông – Tâm 2 nar 20-21/7, ta nkual ƀon têh Buôn Ma Thuột, n’gor Dak Lak ƀư tâm nđŭr văn hóa kon se ăp rnoi mpôl đêt nkual miền Trung-Tây Nguyên. Râng bôk nău kan geh 200 nuĭh ntoh măt lah kon se rnoi mpôl đêt ta ăp n’gor Dak Lak, Đà Nẵng, Lâm Đồng, Kon Tum, Dak Nông, Gia Lai. Ăp oh mô knŭng nti gĭt ma hôm lah ăp lớp trưởng leo lor, Liên đội trưởng, Chi đôi trưởng blău, ƀa ƀơ kơl băl ndrel hao.

Răm m’ak Nar rgum văn hóa kon se ăp rnoi mpôl nkual miền Trung-Tây Nguyên

Ta bôk nău kan, ăp đại biểu dơi râng măng su ŭnh pôi n’hanh djăt uănh ăp nău njroh mprơ uĕh, ăp rnoi mpôl đêt tă bah ăp rmôt râng tâm nđŭt ƀư; râng ăp nău ƀư tâm nđŭr, mĭn joi ăp nău uĕh tĭng nkual....Di rơh aơ, Trung ương đoàn TNCS Hồ Chí Minh an tach pâl thể thao ntŭk gŭ rêh khlay 150 rkeh prăk n’hanh jay Khăn quàng đỏ khlay 80 rkeh prăk an n’gor Dak Lak.

Răm m’ak Nar rgum văn hóa kon se ăp rnoi mpôl nkual miền Trung-Tây Nguyên

Tơm prăk nkrem Vừ A Dính an 50 nklâm prăk kơl hăn nti khlay 50 rkeh prăk an 50 oh kon se rnoi mpôl đêt nkual miền Trung-Tây Nguyên.

Nŭih blang: Y Sưng Phê Ja