Tâm ăp nau kan rhơn nkah 110 năm nar ndâk n’gor Kon Tum, kêng măng 8/2, UBND nkuăl ƀon têh Kon Tum mbơh bơi tât 150 ndơ sa, âk ngăn lah ăp ndơ sa kah bah ơm ngăn bah ƀon tơm Kon Tum. Nau aơ hŏ njêng nau êng ueh gay ma rgum bu năch ndrel ƀon lan tât.

Ndrel ma ăp ndrơng ndơ bah 21 xã, phường tâm nkual ƀon têh Kon Tum, tâm nau khuh mbơh mpeh nau ơm ueh bah ăp ntil ndơ sa tâm trong Trần Cao Vân hom geh ăp ndrơng ndơ bah 3 nkuăl: Kon Rẫy, Kon Plông ndrel Đăk Glei râng.

Rgum âk ngăn lah ăp ntil ndơ sa geh tă bah bri, kơt: piăng prung, djar gŭch, ka, ndrănh sâm, trau rsat byăp bri...Nau ueh ngăn lah ăp ntil ndơ sa ntôn lah jê̆, đê̆ kơt lah piăng m’êt ƀăng, bánh tráng klôn, buăp lŭk, tor...kŏ geh mbơh gay ƀon lan ndrel bu năch tât sa.

Đah nau ƀư têh ngăn kơp ntơm sa ơm tât rnôk aơ, nau kan mbơh ndơ sa kah yor UBND nkuăl ƀon têh Kon Tum ƀư hŏ geh nklăp 1.400 ntoh măt bah rđau kan, nŭih ƀon lan, bu năch tât geh ngêt, sa ăp ndơ gâm kah.

Râng nau hăn gâm, mbơh nau ueh nau kah bah ndơ sa bah nơm geh rlau 120 nŭih ƀư gâm sa bah ăp ƀon lan ndrel ăp nŭih geh nau ƀư gâm sa blau./.