Ta phường Buôn Ma Thuột, n’gor Dak Lak, Hội đồng Lý luận Trung ương tâm rgop đah Hội Văn học Nghệ thuật n’gor ƀư rgum nchră “Văn học nghệ thuật ăp rnoi mpôl đêt ta Tây Nguyên-Nu nău n’hanh nchrŏng trong hun hao”. Ăp đại biểu mĭn lah Tây Nguyên lah ntŭk gŭ bah âk rnoi nuĭh đah âk drăp ndơ văn hóa uĕh, âk nsum mpôl hôm e mât ndrăy nău ngơi, rplay samƀŭt, kho ao n’hanh nău ƀư brah.

Yơn lah, tâm rnôk tâm rlŭk, rgâl jêng văn hóa geh ngăch, âk nău khlay geh roh rui jêng nău mât ndrăy an hăn ndrel ntrong ƀư pâl nđaih, nta joi nău rêh nâp nâl an nuĭh ƀon lan. Âk nău rgop an lah nuĭh kan văn học nghệ thuật mpeh rnoi mpôl đêt mô tŏng, trong ƀư nău ntop kơl mô hŏ tâm di, trong kan nkoch mbơh hôm e đêt. Rgum nchră năl na nê̆ lơn nău ngăn, rgop mbơh ƀư nghị quyết bah Đảng mpeh ndâk njêng văn hóa, trong rƀŏng tât ăp nău khlay nâp nâl, geh âk nău uĕh.