Tâm n’gor Gia Lai dôl geh rơh tâm rlong thể thao ăp rnoi mpôl đê̆ tâm lam dak tal XIII, nkuăl II năm 2023, rgum geh bơi tât 500 nŭih tă bah 13 n’gor mpeh ba dâng tât rlong tâm 7 nau tâm rlong mhe ndrel ơm. Aơ lah rnôk gay ăp rnoi mpôl đê̆ oh nô ndrel tâm n’ur, tâm kơt tĭng nti ndrel tâm dăch dơh lơn, rgop nau joi saơ ndrel hun hao nau tâm rlong thể thao rnoi mpôl, ăp nau pâl ơm tŏng ntrong ndâk njêng nau kan văn hoá Việt Nam ueh, mhe ăp ntil nau vay rnoi mpôl.

Jêh 3 nar tâm rlong khuh n’gôr, âk nau dơi tâm ăp nau tâm rlong nchuăt, pănh na, ntrôl mâng, ncho djơng; rnôk aơ Rmôt tâm rlong bah Dak Lak dôl leo bôk đah 277 điểm, jêh nê lah rmôt tâm rlong bah Gia Lai ndrel dâk tal 3 lah rmôt tâm rlong bah n’gor Kon Tum. Ăp nau tâm rlong mra hôm geh rlong ơm. Rơh tâm rlong thể thao ăp rnoi mpôl đê̆ lam dak tâm Gia Lai mra lôch ndrel pă nau nkhôm tâm lơ 23/6/2023./.