Kêng măng 26/2, Rnâng kan Tỉnh ủy Dak Lak ƀư Lễ sa nkra Jay way ơm bah Tỉnh ủy n'hanh Jay rot way ơm bah nuĭh Rđe. Jay rot way ơm bah nuĭh Rđe dơi ƀư ta jâng gung Bảo tàng n'gor Dak Lak, đah lĕ rngôch tơm  prăk ntuh kơl 6 rmen 700 rkeh prăk. Jay geh ƀư 2 dăp, rnoh hvi rdâk njêng 460 m2, ƀư ma tơm si  da dê. Jay rot gay rgop mât ndray, mpư n'hao rnoh khlay văn hoá way ơm, săk ntơr êng mpeh nău way, nău rêh n'hanh nău kan bah ƀon lan Rđe.

Jay way ơm bah Tỉnh ủy Dak Lak, dơi rdâk ƀư ma si đŏng, ƀư tĭng kơt jay sàn Tây Bắc, rnoh hvi 185m2, đah tơm prăk ntuh kơl 10 rmen prăk. Aơ lah ntŭk pla n'hơ, mât ndray ăp nar chính trị têh khlay, rup gui, nău kan bah Đảng bộ n'gor tâm ban kơt ăp kruanh rđău kan n'gor rlău ăp rơh; rgop mât ndray, ntik n'hao rnoh khlay way ơm, lah ntŭk "Khlay" mpeh ntĭm nti nău way ơm cách mạng.