Ôi ntri 14/9, Hội tâm rnglăp Việt Nam - Nhật Bản n’gor Dak Lak ƀư bôk nău kan tâm nđŭr văn hóa Việt Nam - Nhật Bản n’gor Dak Lak năm 2023. Aơ lah  ngoăy tâm ăp nău kan rƀŏng tât nkah ndray 50 năm nar njêng tâm boh Việt Nam - Nhật Bản (21/9/1973 - 21/9/2023). Ta bôk nău kan, ăp đại biểu n’hanh năch jă tât hŏ dơi ŭanh saơ bôk nău kan tâm nđŭr văn hoá, njroh mprơ săk ntơr uĕh.

Ăp nkô̆ njroh mprơ n’hanh  uh goh nău uĕh êng bah ăp rnoi nuĭh ta Tây Nguyên n’hanh bah Nhật Bản, geh nkô̆ hôr mprơ rnê rup uĕh ƀon tơm, neh dak, kon nuĭh ta ăp dak hŏ dơi ăp nghệ sĩ mpơl du trong rhơn mƀak, khuh n’gôr. Nuĭh râng ơh ăp nău ôp joi gĭt mpeh văn hoá 2 dak Việt Nam – Nhật Bản; râng hăn uănh pla n’hơ ăp ndơ geh ƀư OCOP bah doanh nghiệp mpeh Hội bu ur Doanh nhân nkual ƀon têh Buôn Ma Thuột n’hanh rlong sa ndơ Nhật Bản tă bah nuĭh Nhật nơm ƀư. wa Võ Tấn Tài, Groi kruanh rnâng kan Hội tâm rnglăp Việt Nam - Nhật Bản n’gor Dak Lak an gĭt, aơ lah nar kan ntơm jâng khlay tâm trong tâm boh đah 2 dak hŏ dơi n’hao têh jêng tâm boh têh jong lam lĕ rngôch jru hvi. Nău tâm nđŭr mbra nta trong dơh nkoch trêng, nkoch n’hơ rup gui neh dak, kon nuĭh đah 2 dak; kơl n’gor hun hao săk geh, nkah pơk tâm boh, rgop ntrŭt ntrôl rnôk lăp rgum văn hóa bah n’gor nar lơn ma jru n’hanh jŏ jong./.